
Октябрьым ужатена да ноябрьым вашлийына. У тылзе лумым кунам конда? Айста ончалына да калык пале-влак дене келыштарена.
28 октябрьыште эр кече валне пыл уло гын, сай игечым вучыман огыл.
29 октябрьыште тылзе шапалгын коеш – луман йӱштӧ игечылан.
30 октябрьыште кӧгӧрчен-шамыч шылыт – йӱран игечылан.
31 октябрь марте вишньыште лышташ эше кодын гын, вочшо лум, очыни, шулен пыта.
1 ноябрьыште йӱдым изи лум возеш, а каваште шӱдыр-влак чолгаш тӱҥалыт – тале йӱштӧ вашеш.
2 ноябрьыште касвел мардеж кужу жаплан йӱр ден лумым конда.
3 ноябрьыште йӱдым лум возеш да пушеҥге укшлаште кодеш – тудо мланде ӱмбачат вашке каен пытышаш огыл.