Марий Элысе социальный развитий министрын сомылжым шуктышо Марина Островская Кужэҥер районысо Йывансола ялыште Каменщиковмыт еш деке миен коштын.
Нуно «Идалыкын ешыже» Россий кӱкшытан конкурсышто «Йӱлам аралыше еш» номинацийыште сеҥышыш лектыныт.
М. Островская Евгений Анисимович ден Вера Алексеевналан почётан дипломым да ургымо машинам пӧлеклён.
Тиде еш район мучко веле огыл, республик кӱкшытыштат палыме да пагалыме.
Меат уло кумылын саламлымашке ушнена.