1 октябрь гыч 24 ноябрь марте Йошкар-Олаште «Идалыкын доброволецше» конкурсыш документым погаш тӱҥалыт.
Таҥасымашыш Йошкар-Олаште илыше 14 ияш деч кугурак ийготан, добровольческий мероприятийыш чолган ушнышо самырык-влак, волонтёр ушем-влак (пел ий деч шукырак пашам ыштыше) ушнен кертыт.
Икмыняр номинаций лиеш:
— «Идалыкын доброволецше» (4 тӱрлӧ группо: 1-18 ияш-влак, 19-35 ияш-шамыч, 36-55 ияш-влак, ший доброволец-влак),
— «Доброволец еш»,
— «Сеҥымашын доброволецше»,
— «Добровольческий инициативе»,
— «Поро чон»,
— «Таза илыш-йӱлан доброволецше»,
— «Добровольческий школ ушем»,
— «Добровольческий студент ушем»,
— «Добровольческий пашан организаторжо».
Участник-влак икмыняр номинацийыште ӱчашен кертыт.
Документым Йошкар-Ола округын Физический культур, спорт да молодёжный политике шотышто управленийжын молодёжный политике пӧлкашкыже (Ленин проспект, 25 (249-ше, 118-ше пӧлем-влак) намийыман. Лекше йодышым 8(8362) 38-05-72 номеран телефон але mol-yola@yandex.ru электрон почто дене рашемдаш лиеш.