Пытартыш жапыште мошенник-влак, налоговый вычет теме дене кылдалтше схемым кучылтын, еҥ-влакым ондалат, палдара Россий МВД.
Еҥ-влаклан ФНС але соцслужбо пашаеҥ лӱм дене йыҥгыртат да налоговый вычет нерген палдарат (мутлан, тунеммылан – 14 тӱжем теҥгем). Тудым «оформитлаш» мошенник-влак смс дене толшо кодым каласаш йодыт. Кодым пален налмеке, преступник-шамыч правам аралыме орган пашаеҥ лӱм дене йыҥгыртат да элыштына пашам ышташ чарыме организацийым финансироватлыме нерген палдарат.
Налоговый вычет амал дене шукыж годым 25-35 ияш еҥ-влак ондалалтыт.