Хоккейла модыныт

18-21 январьыште Йошкар-Олаште «Марий Эл» Ий полатыште самырык хоккеист-влак коклаште А.В.Тарасов лӱмеш «Золотая шайба» таҥасымашын регионысо этапше лийын.

Команде-влак Звенигово, Марий Турек, Параньга, Волжск, Килемар, Морко, Курыкмарий районла, Волжск ола гыч лийыныт.

«Золотая шайба» модышын финалже Российысе тӱрлӧ олаште лиеш. Изирак (10-11 ияш) группышто сеҥыше-влак мартыште Астраханьышке, кокла (12-13 ияш) да кугурак (14-15 ияш) группылаште сеҥыше-влак Нижний Новгород олашке, юниор (16-17 ияш) группышто ойыртемалтше команде мартыште Смоленскышке таҥасаш каят.