Сыктывкарыште «Венок дружбы» межрегиональный фестивальыште кок марий почеламут да ик марий ойлымаш йоҥгалтыныт.
Э.Ендылетован «Марий Элем» почеламутшым Йошкар-Оласе 29-ше номеран школын тунемшыже Арина Ибраева сылнын лудын пуэн. Кужэҥер район Шорсола гыч Александр Милютин В.Элмарын «Мый йӧратем родной элемым» почеламутшым да А.Юзыкайнын «Пеледышан шӧр» ойлымашыжым каласкален.
Александр Милютиным Гран0при дене палемденыт. Арина Ибраевалан 1-ше степенян дипломым кучыктеныт. САЛАМЛЕНА!
