У ий деч ончыч Йошкар-Оласе «Спартак» физкультур-тазаҥдыме комплексыште художественный гимнастике дене таҥасымаш лийын.
Тушто шке мастарлыкыштым, чулымлыкыштым, вийыштым Морко районысо Коркатово лицейын кок тунемшыже Полина Алексеева ден Олеся Петрова тергеныт. Полина 5-ше классыште шинчымашым пога гын, Олеся –кудымшышто. Коктынат тренировкыш Йошкар-Олашке кудалыштыт. Тыршымаш шонымашке шуаш полша. Мутат уке, пӱжвӱдым шуко йоктарыман. Сеҥымаш лач тыге веле толеш.
Шке ийготан-влак коклаште Олеся икымше верым налын, а Полина – кокымшым. Ме нуным саламлена, мастарлыкым умбакыжат шуараш тыланена.
Вячеслав Смирнов.
Фотом лицейын архивше гыч налме.