Патриотизм шӱлышан тыгай фотопроект Марий Элыште 1 апрель гыч илышыш пурталтеш.
Ты проект почеш пашам Самара олаште эртараш тӱҥалыныт, ынде тудо Россий кӱкшытан лийын. Фотопроектым эртараш 2-шо армийым вуйлатышын пелашыже Екатерина Колотовкина тӱналын. Ты идей писын шарлен да элнан кажне регионжым авалтен.
Фотопроектыш специальный военный операцийын участникше-влакын (военнослужащий, мобилизоватлыме, доброволец-шамычын) пелашышт, авашт, ака-шӱжарышт, икшывышт ушнен кертыт.
Съёмкыш геройын кительжым намийыман. Тыгак фуражкым, медаль ден наградым, серыш-влакым кучылташ лиеш.
Марий Элыште ты проектым Елена Чемоданова (фотошто) вуйлата. Тудын эргыже, юж-десант войскан гвардий сержантше Павел Чемоданов, СВО-што ӱмаште майыште колен, тудым Патырлык орден дене (колымекыже) палемденыт.
Проектын фотографше – Андрей Котляров.
1 апрельыште фотопроектыш 10 еҥ ушнен, нунынат лишыл еҥышт СВО-што вуйыштым пыштеныт. Эше ик фотосъёмко 8 апрельыште лийын. 23 апрельыштат фото-влакым ышташ палемдыме. Тушко кумылан-влак ушнен кертыт. Тидлан ЖЕНА ГЕРОЯ. МАТЬ ГЕРОЯ. Марий Эл Вконтакте соцкылысе группыш возен колтыман.
А.Котляровын фотожо-влак.