26 октябрьыште генерал-лейтенант, Совет Ушем Герой Д.М.Карбышевын шочмыжлан – 140 ий. Дмитрий Михайловичын подвигше нерген СССР-ште кажне тунемше пален. Тудо руш да совет фортификатор, военный инженер лийын. Руш армийысе инженерный войскан генерал-лейтенантше, военный наукын докторжо, профессор. Омск олаште шочын. Д.Карбышев руш-япон, Икымше тӱнямбал, Совет-фин сарым эртен. 1941 ий 8 августышто, ушым йомдарыше, пленыш логалын. Генерал-лейтенант Замосць, Хаммельбург, Флоссенбюрг, Майданенк, Освенцим, Заксенхаузен, Маутхаузен эн шучко концлагерьлам чытен, но Шочмо элжым ужален огыл. 1945 ий 18 февральыште йӱдым моло 500 наре заключенный-шамыч дене пырля тӱрлӧ семын индырыме деч вара Дмитрий Михайлович да моло ӱмбаке уремыште йӱштӧ вӱдым опталыныт. Тудо ий ораш савырнен колен. Капшым Маутхаузенысе коҥгаште йӱлалтеныт.