«Российын Геройжо» да «Пашан Геройжо» лӱм-влакым 2023 ий 1 январь деч вара налше-влаклан кажне тылзын тӱлыман окса выплатым Российысе Социальный фонд йодмаш деч посна оформитла.
Чыла кӱлеш данный фондыш чап лӱмым пуымо нерген ходатайствым колтышо орган да организацийла деч мия. Оксам тӱлаш палемдыме шотышто уведомленийым кум кече жапыште колтат. Оксам чап лӱмым пуымо кече гыч тӱлат.
Ондак Герой-влаклан тыгай полышым йодмашым возымеке да пеҥгыдемдыше документым пуымеке палемденыт. Кызыт тидым иктаж амаллан кӧра организаций гыч кӱлеш сведенийын фондыш миен шудымыж годым веле ыштыман.
Совет Ушем да Россий Герой-влаклан, тыгак Чап орденын тичмаш кавалерже-влаклан 2023 ий 1 февраль гыч кажне тылзын 83 496,41 теҥге тӱлалтеш. Социалистический Пашан, Россий Федераций Пашан Геройжо-влаклан да Паша Чап орденын тичмаш кавалерже-влаклан – 61 566,28 теҥге.
Герой-влак оксам але льготым ойырен налын кертыт. Социальный полышын видшым госуслуго портал гоч вашталташ лиеш.
Марий Элыште тыгай окса полышым Социалистический Пашан ик Геройжо налеш. Тыгак Россий Герой-влакын лишыл еҥыштын тыгай оксам налаш правашт уло, Марий Элыште кум тыгай еҥ уло.