19 майыште Волжский район Олыкъялыште Российын Геройжо Валерий Ивановым шарныме лӱмеш районысо строй да муро смотр эртаралтын.
Торжественный марш деч ончыч мероприятийыш толшо-влак Валерий Иванов ден Совет Ушем Герой Зинон Прохоровын бюстышт ончыко пеледышым пыштеныт.
Строй дене коштмо шотышто икымше верым Сотнур школын командыже налын, кокымшым – Шарача, кумшым – Приволжский. «Эн сай формо» номинацийыште Мамасево школ сеҥен, «Эн сай строевой муро» номинацийыште – Карай школ. Эн сай командирлан Приволжский школ гыч Татьяна Сидоренком шотлымо.
Волжский районысо депутат-влак погынымашым вуйлатыше Владимир Ильич Сергеев участник-влакым саламлен да Геройын аваже Нина Николаевна Ивановалан тауштен. Рядовой Ивановын подвигым ыштымыжлан 19 майыште 26 ий темын. Тудо самоходный установкым тулан позиций гыч кораҥден да йолташыже-влакын илышыштым утарен.
Эльвира Терентьева.
Авторын да Интернет гыч налме фото-влак.