29 декабрьыште Йошкар-Оласе Антикризисный рӱдерыште «100 лучших товаров России», «Предприятие образцового содержания» да регионысо «Лучшие практики наставничества в Республике Марий Эл» конкурслаште 2021 ийыште сеҥышыш лекше-влакым палемденыт.
«100 лучших товаров России» конкурсын регионысо этапышкыже 19 организаций ушнен, нунын кокла гыч 8 организаций лауреат лӱмым налын, дипломым тынарак организацийлан пуымо. Сеҥыше-влак коклаште – «НПФ «Геникс» ООО, «Волжский электромеханический завод» АО, «Чай Руси» ООО, Йошкар-Оласе технологический колледж да молат.
Промышленный предприятий-влак коклаште эртаралтше «Предприятие образцового содержания» смотр-конкурсышто сеҥыше-влаклан дипломым Марий Эл Правительстве пуэн. «Лучшие практики наставничества» конкурсын регионысо этапыштыже 4 предприятий участвоватлен, нуно ныл номинацийлан келшыше 7 практический паша дене палдареныт.
И.Александрова, Э.Терентьева.