Республикыштына еҥ-влакын газ дене пайдаланымышт 80 утла процентыш шуын. Тидыже Российысе кокла показатель деч кугурак.
2024 ийыште Марий Элыште газпучым 130 км кужытышто шупшмо. Тидыже Звенигово, Морко, Медведево, У Торъял да Советский районласе 19 населённый пунктышто 1400 утла суртыш «канде тулым» пурташ полшен.
2025 ийыште газ Волжский, Морко, Медведево, Марий Турек, Оршанке да Советский районласе 12 ялыш, 550 наре суртыш мийышаш. Тидлан 3 межпосёлковый газпучым шупшшаш улыт. Тыгай иктешлымаш Марий Эл Правительствын «Газпром» ПАО дене пырля пашам ыштымыжлан кӧра лийын.
📸 freepik сайт гыч налме фото.