Российысе финн-угор тӱвыра рӱдер 15 май марте Кугу Ачамланде сарыште сеҥымылан 80 ий темме лӱмеш «Мы славим Победу на всех языках» очно-заочный акцийым эртара.
Тидлан «ВКонтакте» соцкылыште шке ешын сеҥымаш нерген историйжым, авторский литератур произведенийым, сӱрет ден кидпаша-влакым #этнонаследиепобеды2025 хештег дене вераҥдыман. Шочмо йылме дене возымо гын, кӱчыкын рушлашке кусарыман. Эн оҥай материалым Тауштымашан серыш дене палемдат.