1 октябрьыште Марий Элыште илалше-влак коклаште финанс грамотность дене IV Всероссийский чемпионатын регионысо этапше эрта.
Пенсионер-влак, ӱчашымашке ушнен, финанс шотышто у шинчымашым налын, финанс грамотностьыштым да финанс культурыштым нӧлтен кертыт.
Чемпионатыш пенсионер статусан 63 ияш гыч пӧръеҥ ден 58 ияш деч самырык огыл ӱдырамаш-влак ушнен кертыт. Всероссийский чемпионат кок этап дене эртаралташ тӱҥалеш: регионысо да федеральный. Регионысо этапын итогшо почеш федерал кӱкшытыш ушнаш команде-влак чумыралтыт.
Регионысо этап 1 октябрьыште 10 шагатлан Юл кундем кугыжаныш технологический университет негызеш (Йошкар-Ола, Ленин площадь, 3) Плеханов лӱмеш Российысе экономический университетын цифровой кумдыкшын площадкыштыже эртаралтеш.
Регионысо да федеральный этаплаште чыла сеҥыше ден призёрым шергакан приз ден шарнымашан пӧлек-влак вучат.