Калык семӱзгар дене шоктет?
Финн-угор тӱняш пурышо иктаж кундемыште илыше да калык семӱзгар дене шоктен моштышо 16-35 ияш самырык еҥ-влакым «Йоухикко–САМР» этнолагерьыш ушнаш ӱжыт.
Тудо 28 февраль гыч 4 март йотке Карелийыште эртаралтеш. Российысе усталык шӱлышан преподаватель да ӱдыр-рвезе-влак дене палыме лияш, Карелийын мотор пӱртӱсшым ужаш, национальный семӱзгар дене шокташ тунемаш, импровизаций сынан репетицийыште шкем тергаш да эше моло оҥай мероприятийыш ушнаш йӧн лиеш.
Корнылан, илымылан да кочмылан оксам организатор-влак шке тӱлат. Этнолагерьын участникше лияш шонет гын, официальный сайтыште йодмашым колто. Лекше йодышым проектын тӱшкаштыже https://vk.com/jouhikantele рашемдаш лиеш.
Ирина АЛЕКСАНДРОВА.