Тений «Кугу этнографический диктант» акций визымше гана эртаралтеш. 3-8 ноябрьыште кажне кумылан еҥ ты акцийыш онлайн ушнен кертеш.
Ты гана диктантым англичан да испан йылмылаш кусарат. Заданий-влакым 3 ноябрьыште 00.01 шагатлан официальный сайтыш луктыт.
Кажне регионышто шке кундемыштын ойыртемжым почын пуышо площадке лиеш. Марий Элыште тыгайже – С.Чавайн лӱмеш книгагудышто. Туштак 6 ноябрьыште 11 шагатлан диктантым тыглай формо дене возаш лиеш.