Марий Турек воктене Заводской посёлкышто шочын-кушшо Марина Сергеева (фотошто — пурла тӱрыштӧ) шочмо ача-аван шӱм-чон шокшыжым шагал ужын кушкын. Лу ияш улмыж годым приёмный ешышке логалын. Медведево район Силикатный посёлкышто Шаяковмытлан Марина тачат таушта да нуным ача-аважлан шотла.
2017 ийыште М.Сергеевалан ача-ава деч посна кушмыжлан Медведево район Руэм посёлкышто пачерым пуэныт. Кызыт ӱдырлан 27 ий, тудо Йошкар-Олаште ик ургымо предприятийыште пашам ышта.
Ольга Владимировна ден Сергей Леонидович Шаяковмытын суртышт Мариналан – шерге вер, шочмо пыжаш. Тыште гына тудо йоча куаным шижын илен, ача-аван могай лийшашыжым умылен, нунын ушан ойыштым эрелан вуйыш пыштен. Тыгодым вате-марийын кум эргышт Мариналан шочмо шольо гае ӱшанле эҥертыш лийыныт.
10 ияшым кудалтен каен
Шочмо ача-аваже, йӧратыме изаже, шочмо суртшо нерген ӱдыр тачат южгунам шарналта, да чонжылан изиш шыгырын чучеш, кумылжо тодылалтеш. Арака огыл гын, Маринан йоча пагытше моло икшыве семынак шочмо ача-ава пелен эрта ыле.
Умбакыже 6 майыште лекше номерыште лудса.