Йоча-влак ешартыш профессийым школышто тунемме годымак оксам тӱлыде налын кертыт.
Марий Эл Республикысе колледж ден техникумлаште 8-10-ше класслаште тунемше-влаклан профессиональный тунеммаш программе почеш приёмный кампаний тӱҥалын. Тунем пытарымек, налме профессий нерген свидетельствым кучыктат.
19 тунемме площадкыште 25 профессийым налаш темлат. Нунын коклаште – каменщик, кондитер, лесовод, маляр, пекарь, садовник, слесарь, штукатур, электромонтажник, парикмахер да тулеч молат.
Программе нерген кумданрак пален налаш Марий Эл Республикысе опережающий профессиональный подготовко рӱдерыш 8(8362)23-50-73 номеран телефон дене йыҥгыртыман. Тыгак http://copp12.ru/?page_id=5457 сайтыште ешартыш уверым муаш лиеш.