COVID-19 черан еҥ-влаклан эше 100 верым ямдыленыт.
15 октябрьыште республикысе инфекционный стационарлаш 106 еҥым намиеныт. 16 октябрьыште 119 еҥым госпитализироватленыт. Тидыже пандемий тӱҥалмеке, суткаште кондымо эн кугу показатель. 17 октярьыште 91 еҥ черле лийын, а 18 октябрьыште – 73.
19 октябрь эрлан суткаште 71 еҥын коронавирус черым пеҥгыдемденыт.
Неле эпидпагытлан кӧра республикысе клинический йоча больницыштат эмлыме верым 50 марте шукемденыт.
Республикысе стационарлаште 1087 койкым ямдылыме. Тушто 931 еҥ эмлалтеш.
Эн шуко черле Йошкар-Олаште (51,7%), Медведево районышто (10,8%) да Волжск олаште (8,9%).
Коронавирус инфекций деч 4265 еҥ эмлалтын, 59 еҥ колен.
Шекланыза, аралалтса!