«Эреҥер» калык муро ансамбльлан 25 ий темеш. Пайрем концерт 4 декабрьыште М.Шкетан лÿмеш Марий драмтеатрыште эртаралтеш.
«Эреҥер» ансамбль – распубликыште калык мурым профессионально мурышо ик эн уста коллектив. Тыште таче кечын 6 солист пашам ышта: 4 ÿдыр да 2 рвезе. Ансамбльым А.Ермаков ден С.Чернова вуйлатат. 25 ий жапыште «Эреҥер» 100 утла мурым йоҥгалтарен, шке помышешыже 30 утла мурызым куштен. Пайрем концертлан кузе ямдылалтме шотышто Светлана Васильевна Чернова тыгерак каласкалыш:
– Ме репертуарнам эре уэмден шогена, аранжировкым ыштен, у муро ден куштымаш-влакым ямдылена. Тÿрлö кундемыште илыше марий-влакын мурыштым мурена, куштымашыштым ончыктена, руш муро-влакымат öрдыжеш огына кодо. Тылеч посна шöртньö фондыш пурышо муро ден куштымаш-влакым ужаш йöн лиеш. Ансамбльын солистше-влак калыкым сольный мурышт дене куандарат. Икманаш, пайрем касна весела лиеш. Чыладамат уло кумылын ÿжына, чон почын вучена.
«Эреҥер» ансамбльыш коштшо ӱдыр-рвезе-влак кажне кечын гаяк вашлийыт, концертлан чон вургыж ямдылалтыт. Нунын ик репетицийышкышт мияш пиал шыргыжале.
Репетиций пагытысе ужаш-влакым видеошто ончалын кертыда: