Чыла вере палат
17 ий жапыште «Энсай» шке лӱмжӧ дене кумдан чапланен. Шке кид дене ыштыме тусо сату чонлан келшыше да сай качестве дене ойыртемалтеш.
2014 ийыште «100 лучших товаров» Россий кӱкшытан конкурсышто ӱдырамаш да пӧръеҥ чием дене лауреат лӱмым сеҥен налын. Салонысо калык чиемым Республикыште да моло вере эртыше мероприятийыште шуко гана кӱкшын акленыт.
«Энсай» шке ончерже дене Салехардыште, Ханты-Мансийскыште, Москошто, Набережный Челнаште, Таллиныште, Сургутышто, Пермьыште да моло олаштат палыме. Куанен каласыман: лукмо пашаже кажне гана диплом дене палемдалтын.
Умбакыже 21 январьыште лекше номерыште лудса.
Зоя Тимофеева.