15 июльышто «Экспортёр года в Республике Марий Эл» икымше конкурсышто эн сай экспортёрым палемденыт.
Нуным икмыняр номинаций дене акленыт. Металл да кыдежласе омсам ыштыше «Монфор» компаний промышленность номинацийыште, а шинча черым эмлаш приборым ямдылыше «Добродар» компаний кӱкшӧ технологий номинацийыште палемдалтыныт. «Прорыв года» номинацийыште мороженый пашкарым, кофем лугаш совлам ыштыше «Таливенда» организаций сеҥен.