Марий кугыжаныш университетын студенткыже Ландыш Габдулвалеева «Студент года. Медики» IV Российысе конкурсышто специальный открытый трекыште Гран-прим сеҥен налын.
Ӱдыр Медицине институтышто «Педиатрий» направлений дене шинчымашым пога. Конкурсыш 41 регион гыч медицине специальностян 100 студент ушнен. Нуно «Лечебное дело», «Педиатрий», «Стоматологий», «Медико-профилактическое дело», «Сестринское дело», «Фармаций» да «Самырык медик» номинацийлаште вийыштым тергеныт.
МарГУ-н тӱшкаж гыч налме фото.