Марий книга савыктышын лукмо книгаже-влак 2020 ийыште регионласе 50 эн сай изданий-влак коклаш логалын.
Тыгай рейтингым «Идалыкын эн сай книгаже-влак», «Изишочмо верем» конкурслаште эксперт совет-влакын иктешлымышт почеш ыштыме.
Специалист-влак Российысе 31 ола гыч 35 издательский организацийын пашажым ончен лектыныт. Марий книга савыктышын Республиклан 100 ий теммылан пӧлеклалтше ныл пашажым ойырен налме: «Звонкая речка» марий йоча сылнымут антологий, «Земля Онаров» марий миф ден легенде-влак, «Калевала» карел-финн эпос, «Марийцы на просторах России» книга.