Эмлалташ ынде йӧнанрак

Параньга районысо Ондропсола ялыште ФАП-ым почыныт. Тушто Ондропсола, Ермучаш да Лебляк ялла гыч 600 утла еҥлан медицине полышым пуаш тӱҥалыт. Зданийыште медицине пашаеҥ-влаклан, фельдшер-акушерлан пӧлемым, процедур кабинет-влакым, эмым аралаш клатым, санузел да подсобко верым келыштареныт. Объектым чоҥаш 7,8 млн теҥге окса ойыралтын, тышеч – 1,6 млн теҥге республикысе бюджет гыч.

ФАП-ым почмо годым йошкар тасмам республикым вуйлатыше А.Евстифеев пӱчкын да медицине верым ончен лектын.

Тыгак тудо Параньга посёлкышкат паша визит дене миен коштын. Верысе инициативе проект почеш Кугу Отечественный сарыште колышо-влаклан ыштыме обелискым аклен. 75 ияш лӱмгече вашеш. 50 ий утла обелискым уэмденыт.

Тылеч посна 2020 ийыште «Павших героев будем достойны» республикысе конкурсышто ола округ да муниципал районла коклаште 100 тӱжем теҥгеаш грантым сеҥеныт. Тиде окса дене политический репрессийыш логалше-влаклан памятникым шогалтеныт. 554 еҥ репрессийыш логалын, а 102 еҥым лӱен пуштыныт.

Интернет гыч налме фото.