Ече дене таҥасеныт

Морко район Кокласола лицейыште шукерте огыл ече дене таҥасымаш лие. Тушко 5-11-ше класслаште тунемше-влак ушненыт.

Ийготым ончен, ече дене эрташ кӱлмӧ меҥгат тӱрлӧ лийын. Теве, мутлан, 9-11-ше класслаште тунемше-шамыч кум меҥгым эрташ кӱлын.

Тунемше-влаклан мастарлыкым, писылыкым, чулымлыкым ончыкташ игечат полшен. Мардежат пуйто йоча-влакын тале улмыштым кӧранен ончен, шкежым палдарен огыл.

Кажне йоча шке этапшым писын эрташ тыршен. Ече дене ÿчашымашыш Кокласола лицейыште уло кумылын ушнат. Сеҥыше радамыш 9г, 10б, 11а класслаште тунемше-влак лектыныт. Ончылно икшыве-шамычым футбол дене таҥасымаш вуча.

В.Смирнов.