Ханты-Мансийск олаште СВО-н ветеранже-шамыч «Шочмо элым аралыше-влакын кубокышт» верч биатлон дене таҥасымашыште вийыштым тергеныт. Тушко Российысе тӱрлӧ регион гыч участник-шамыч ушненыт.
Марий Элын чапшым А.Блинов ден Н.Михайлов араленыт. Алексей – 20-шо верым налын, Никита – ече дене шинчын таҥасен да лу эн писе-влак радамыш логалын. Тудо финишыш шымше толын.
Палемдыман, Марий Эл ветеран-шамычым тыныс илышыш пӧртылташ полшаш тӱрлӧ йӧным кычалеш. Лишыл жапыште СВО-н ветеранже да участникше-влакым «Герои Марий Эл» кадровый программе почеш туныкташ тӱҥалыт.
Фото: Марийская правда.