«Ӱдырсий» конкурс ӱжеш

Регион-влак кокласе «Ӱдырсий» моторлык да уш-акыл конкурс тений онлайн йӧн дене эрта. Тушто 18 ияш деч кугурак ийготан ӱдыр-влак шке усталыкыштым ончыкташ тӱҥалыт.

Конкурсантке-влак «Мый марий ӱдыр улам» этапыште шкешт дене палдарат, мӧҥгысӧ паша кышкарыште марий преданий але легенде негызеш театрализованный представленийым ямдылат. Кумшо заданий – «Этномодо» презентаций. Тушто конкурсантке-влак шке кундемысе вуйчиемышт дене палдарышаш улыт. Кажне заданийым видеош войзыман. Участнице-влаклан посна еҥ, ансамбль але родо-тукымышт полшен кертыт.

Видеоматериал могай лийшаш? Эн ончыч, конкурсын тематикыжылан келшен толшаш. Видеошто ойлымо, мурымо йӱк яндарын йоҥгышаш. Конкурсыш пашам 22 ноябрь марте mari-centr_konkurs@mail.ru адрес дене колташ лиеш.

Мероприятийым «Российысе марий-влак» Калыкле-тӱвыра федерал автономий Республикысе марий тӱвыра рӱдер ден Калык-влакын пашашт шотышто федеральный агентствын полшымышт дене эртара.