Диван – 346 тӱжем теҥгеаш

Фотом avito.ru/yoshkar-ola сайт гыч налме.

Йошкар-Олаште илыше ик ӱдырамаш диваным интернетыште «Авито» сайт гоч налаш шонен да тыгодым 346 тӱжем теҥгем йомдарен.

Кодшо кечылаште Россий УМВД-н Йошкар-Оласе дежурный частьышкыже 54 ияш ӱдырамаш толын да акажын кугу суммо окса деч посна кодмыж нерген каласен.

Сделкым ыштыме годым «ужалыше» диваным налаш шонышо ӱдырамашлан ссылкым колтен. Тушко пурен, ӱдырамаш акажын банк картшын реквизитшым да смс-сообщений дене кодым колтен. Тыге карт гыч чыла окса йомын.

Нигунам еҥлан шке личный данныйым, банк карт реквизитым, пин-кодым ойлыман огыл.