1-7 октябрьыште элна мучко российысе заповедный диктантым возеныт. Тудо кугыжанышын оролымо пӱртӱс кумдыкышто шкем шот дене кучен моштымо да тудым аралыме дене кылдалтын.
Марий Элыште ты диктантым 6 октябрьыште возеныт. Тушко школлаште 7-11-ше класслаште тунемше ӱдыр-рвезе, студент, тыгак кугыеҥ-влак офлайн да онлайн йӧн дене ушнен кертыныт. Диктант жапыште участник-влаклан видеозаписьым ончаш да тушто заповедный герой дене кылдалтше текстым лудаш пуэныт. Шарнен кодмо ты текстым руш йылмын правилыже-влакым шотыш налын возаш да колыштмо историйлан шке мучашым шонен лукташ кӱлын. Участник-влаклан электронный сертификатым кучыктеныт.