7-18 апрельыште кундемыштына «Декада СПО Республики Марий Эл: территория профессионалов» эртаралтеш.
Ты мероприятий профессиональный мастарлык тӱняш омсам почеш, тыгак школьник, студент, педагог да кыдалаш профессиональный шинчымаш дене кылдалтше моло еҥлан пайдале лиеш.
- Программылан келшышын, школьник-шамычлан колледж ден техникумлаште Почмо омса кече-влакым эртарат. Тыгак производственный экскурсий, практике сынан мастер-класс, профессиональный пробо да профориентационный вашлиймаш-влак лийыт. Тыге ӱдыр-рвезе-влак тӱрлӧ профессий нерген сайынрак пален налыт да ончыкылык паша корным ойырен налмаште икымше ошкылым ыштат.
- Студент ден преподаватель-шамычлан самырык-влаклан паша верым муаш, паша верым пуышо дене кылым ышташ, профессиональный компетенцийым вияҥдаш полшышо тӱрлӧ мероприятий эртаралтеш.
Декадыш ушнышо-влакым тыгак вакансий ярмиҥга, паша верым пуышо-шамыч дене вашлиймаш, «Профессионалы» чемпионатын иктешлыше этапше, «Молодёжь и дети» нацпроектын «Профессионалитет» федеральный проектше почеш эртаралтше Почмо омса кече вучат.
Декадын программыже – тыште.
freepik сайт гыч налме фото.