Чын, пайдале кочкышым кочкат?

21 декабрьыште Йошкар-Оласе  Самырык-влакын полатыштышт «Мир возможностей» проект кышкарыште  «Здоровое питание в школе и дома» фестиваль эртен.

Тушто кугыеҥ ден йоча-влак школышто да мӧҥгыштӧ сай, пайдале кочкышым кочмо нерген мутланеныт.

«Мир возможностей» партийный проектын регионысо координаторжо, «Единая Россия» партийын регионысо пӧлкан проектный паша шотышто секретарьын алмаштышыже, Марий Эл Республикысе Кугыжаныш погын председательжын алмаштышыже Наталья Козлова палемден: «чын» кочкмаш – таза илыш-йӱлам кучымашын ик ужашыже.

Фестиваль годым погынышо-влак «Секреты семейного завтрака» дегустационный конкурсышто ныл ешын ямдылыме кочкышыштым тамлен онченыт. Нуно кок тӱрлӧ сийым темленыт.

Ныл еш гыч Морко посёлко гыч Семеновмыт еш икымше верыш лектын. Чыла шотыштат сий келшен толын. Нунылан «Теплая речка» трактирыш уло еш дене кочкаш миен толаш сертификатым пуэныт.

Тылеч посна тӱрлӧ дискуссий дене мутланымаш-влак лийыныт.