Календарь почеш теле Йӱдвел полушарийыште декабрьыште, январьыште да февральыште шуйна гын, Кечывалвел полушарийыште – июньышто, июльышто да августышто.
Астрономий почеш Мландыште теле вес семын ончыкталтеш: Йӱдвел полушарийыште – 22 декабрь гыч 21 март йокте, Кечывалвелыште – 22 июнь гыч 21 сентябрь марте.
Телым южын эн изи температуржо лиеда. Теве Мландыште эн йӱштӧ 2013 ий 8 декабрьыште лийын – тунам Антарктидыште япон станцийыште -91,2С цифрым ончыктен.
Икана Францийыште Людовик XIV кугыжан пелашыже издер дене мунчалтынем манын. А уремыште шокшо кеҥеж шоген. Тунам марийже кугыжан ватылан луман корным ышташ кӱштен. Тунам Версальский дворец воктенысе икмыняр меҥге корныш шинчал ден сакырложашым шавеныт.