Гепард идалыкым иктешлаш жап толын шуо.
Идалык нерген Марий Элын тӱҥ онаеҥже А.Таныгин ятыр каласкален ыле. Тудым ушештарен кодымо шуэш: вес эл, вес калык мемнан кугыжанышым ӧрдыж гыч ончен гына шогат, гепард гай тӱкаш лийдыме койышан лийына. Вес шомакшат шарналтеш да шоналташ тарата: «Иктаж элым але весым поген налына гынат, мыняр жап тудо мемнан лиеш, ала».
Шарнеда, эше мом мыланна сӧреныт ыле? Уке? — УШЕШТАРЕНА,
Гепард идалыкыште чылажат уш-акыл да писылык дене ышталтеш. Кугыжаныш кучем кӱташ тӱҥалеш. Лишыл жапыште ала-могай вес эл, вес калык мемнан кугыжанышым ӧрдыж гыч ончен гына шогат, гепард гай тӱкаш лийдыме койышан лийына.
Гепардыште шочшо еҥ-влак чулым, виян, ушан да шот-радаман улыт. Аваже игыжым пеш сайын онча. Ты идалыкыште шочшо-влаклан ешым погаш пеш лачеш толеш. Тидым шотыш налза. Вет нуно ласка ава лийыт, йоча-шамыч мотор капкылан, писе, ушан кушкыт.
Шурно сайынак шочшаш. Янлык, вольык яндар да таза лийшаш улыт. Кайыквусо шулдыр йымалне сайын шогат. Мӱкш шкешотшо дене моторын нӧлталалтеш, мӱйым, саскам сайынак налшаш улына.
Ончыкылык волгалтшаш. Писылыкым вучаш тӱҥалына. Кугыжаныш могырымат порылык да писылык шижалтшаш. Мом ондак тӱнямбалне, кугыжанышыште шылтен кодымо гын, тудыжо Гепард идалыкыште тӱжваке лектеш.
Мо шукталтын?