Генрих Тимиряев, М.Шкетан лӱмеш марий драмтеатрын актёржо:
– 2025 ий шуко событийлан поян ыле: личный илышыштат, пашаштат. Но иктым каласаш лиеш: мо сайже, осалжат лийын гынат, тиде – ончыкылыклан урок.
Шушаш идалыкыште эн тӱҥжӧ – таза лияш, молыжым кыртмен тыршен ыштена, налына. Ончыкыжымат шкем артист да личность семын шуараш тӱҥалам. Шеҥгек савырнен ончалын, «Ончыкырак ошкылынам, шындыме цель дек лишемынам» манын каласаш лийже. Шонен пыштымем нерген луктын ойлаш ом тырше, вуйышто кучем – уке гын, ок шукталт.