15-18 февральыште тунемме да тренироватлалтме «Корта» ече базыште спортивный туризм дене ече дистанцийыште Юл кундемысе федеральный округын чемпионат ден первенствыже лийыныт. Тыгодымак спортивный туризм дене Юл кундемысе федеральный округын телымсе кубокшо верч таҥасымаш эртаралтын. Таҥасымашыш 13 регион гыч 280 спортсмен ушнен.
Марий Элын командыже эн ончылно лийын. Спортсмен-влак 13 шӧртньӧ, 10 ший, 6 той медаль-влакым налыныт. Телымсе кубок верч таҥасымаште Марий Элын юниор командыже икымше лийын.