20 августышто 16 шагатлан Йошкар-Оласе «Башня» культурно-выставочный рӱдерыште «Этноблогеры большой страны» ончер почылтеш. Тудо «ИНТЕЛЛЕКТУАЛ» культурно-информационный рӱдерлан 10 ий теммылан пӧлеклалтеш.
Ончерыште Российын тӱрлӧ лукшо: Алтай, Коми, Марий Эл, Мордовий, Татарстан, Удмуртий, Чуваший республик-влак, Ленинград ден Новосибирск кундемла да Моско гыч этноблогер-влакым войзымо фото-шамычым ужаш лиеш. Мероприятийыш «Путь этноблогера» регион-влак кокласе образовательный этнотуристический семинарын активистше-шамыч да «Этноблогер года» Российысе общественный премийын сеҥышыже-влак ушнат.