Ава капитал гыч оксам йочам туныктымылан эн чӱчкыдын кучылтыт. Йочасадлан, школлан але вузлан веле огыл, тыгак ешартыш образований программылан, тидын шотыштак автошколышто, тунеммылан тӱлаш лиеш.
Автошколышто тунемаш ава капитал гыч оксам кучылташ манын, капиталым налаш правам пуышо йочалан кум ий темшаш, а тунемаш шонышо йоча 25 ийым эртыше огыл лийшаш. Автошколын образовательный пашам шукташ лицензийже лийшаш. Автошколышто кеч-кудо йоча тунемын кертеш, но ача-ава огыл.
Ава капитал окса дене пайдаланыме нерген йодмашым Пенсий фондын шке илыме кундемысе органышкыже пуыман, тыгак тидым Пенсий фондын сайтыштыже гражданинын личный кабинетше да кугыжаныш услуго портал гоч ышташ лиеш. Оксам колтымо нерген рещенийым Пенсий фондын органже, йодмашым налмеке, лу кече жапыште луктеш. Вара палемдыме оксам вич кече жапыште тунемме заведенийын договорышто ончыктымо счётышкыжо колта.
450 еш Марий Элыште 2020 ийыште ава капитал гыч оксам йочалан тунемаш колтен.