Икымше удмурт поэтессе Ашальчи Оки (Акулина Векшина) лӱмеш Ижевскысе пӧрт пырдыжыште граффити-портрет лиеш.
Тидлан художник Денис Никонов кок эскизым ямдылен. Иктыштыже Ашальчи Оки куэ воктене шога, вет икымше сборникше «У дороги» маналтын. Кокымшо эскизыште поэтессе ден военный врач семын ончыктымо, вет Акулина Григорьевна калыклан трахома чер ваштареш кучедалаш полшен, вара фронтыш каен. Кызыт ты кок эскиз гыч иктыжым ойырен налме шотышто йӱклымашым увертарыме.
