Тиде арнян Марий Эл гыч спецоперацийыште участвоватлыше салтак-влакын икшывышт «Артек» тӱнямбал йоча рӱдерыште канат.
Программе оҥай. Тунемше-влак спорт мероприятийлаште вийыштым тергат, усталык мастерскойышто да экскурсийлаште лийыт. Йоча-шамыч «Отечествым аралыше-влак» фондын полшымышт дене лагерьыш логалыныт.
Каласыман, Марий Элыштат СВО-што улшо военнослужащий-влакын икшывыштлан канаш йӧн идалык мучко ышталтеш. 2022 ий годсек республикысе лагерьлаште тӱжем утла йоча лийын.
Фотом Образований да науко министерствын ВК-се лаштыкше гыч налме.