Ага тылзын у арняжлан игече могай лийшаш? А калык пале-влак тидын шотышто мом каласат? Айста ончалына.
20 майыште у тылзе годым пакчакӧргым шындыман — лектыш поян лийшаш.
21 майыште йӱр йӱреш гын, поҥго лекшаш.
22 майыште пызле пеледеш – кӱчык шыжылан.
23 майыште эрденак мӱкш-влак чоҥештылыт – кече ояр лийшаш.
24 майыште кукшо игече шога гын, кеҥежат кукшо лийшаш.
25 майыште шӱшпык йӱдвошт лым лийде мура – сай игечылан.
26 майыште вараксим-шамыч ӱлыч чоҥештылыт гын, йӱрым вучыман.