Марий Элыште ий тӱҥалтыш гыч 69 еҥ тӱрлӧ арака дене аярген, нунын кокла гыч 57 еҥже илыш дене чеверласен.
Аяргымаш шукыжо Йошкар-Олаште лийын, кокымшо верыште – Медведево район, кумшышто – Морко. Тыгай уда увер дене регионысо роспотребнадзор управленийын пресс-службыжо палдара.
Январь гыч апрель марте Йошкар-Олаште 21 еҥ арака дене аярген, 15-ше колен, Медведево районышто – 7 еҥ, Моркышто – 6 еҥ. Тидлан кӧра илышышт кӱрылтын. Тыгаяк шучко сӱрет Марий Турек, Кужэҥер, Провой, Килемар, Оршанке, Советский, Шернур, Волжский районлаште, Волжск да Козьмодемьянск олалаште палдырна.
Валентина Семёнова.