Кумдан палыме шанчыеҥ Николай Амосовын лӱмжым пуымо ты пасте витамин да пайдале веществалан поян. Тудо иммунитетым пеҥгыдемда да организмым токсин-влак деч эрыкташ полша. А тидыже шыжым путырак кӱлешан. Ты пастыште В группыш пурышо витамин-влак ятыр, тыгак магний, калий да бета-керотин шуко.
Кӱлыт: 1 кг лимон, 1 кг мӱй, 200 г грецкий пӱкш.
Лимоным мушса, пӱчкедыза да блендер дене тыгыдемдыза. Лимоныш тыгыдемдыме пӱкшым да мӱйым ешарыза да сайын варыза. Тыгай пастым стерилизоватлыме банкылаш опталза. Тудым ик кугу совла дене кочмо деч 30-40 минут ончыч кечеш кок гана подылман.
https://www.freepik.com/ сайт гыч налме фото.