Республикысе клинический эмлымверын офтальмологический консультативно-диагностический отделенийжым капитально олмыктеныт.
«Здравоохранение» нацпроектын «Модернизация первичного звена» регионысо проектше почеш шуктымо пашам 35 млн наре теҥгем ойырымо.
Отделенийын кум пачашыжымат олмыктымо, медоборудованийым наледыме. Лишыл жапыште офтальмологический кабинетан регионысо эндокринологический рӱдерым почшаш улыт. «Борьба с сахарным диабетом» федеральный проект почеш рӱдерлан 32 млн теҥгеаш оборудованийым кондымо. Ты программе почешак отделенийын лазерный операционныйжым олмыктымо да у оборудований дене пойдарыме.
Марий Элысе Тазалык аралтыш министерствын ВК-се тӱшкаж гыч налме фото.