Ача-аважын корныжым тошка

Шукерте огыл МарГУ-што «Студентын кечыже-2021» конкурсым иктешленыт. «Эн сай историй» номинацийыште сеҥышыш Дина Давыдова лектын.

Дина Килемар район Церкӹсола селаште туныктышо-влакын ешыштышт шочынкушкын. Аваже Лидия Григорьевна марий йылмым да литературым, коваже Нина Ивановна тӱҥалтыш класслам туныктеныт, ачаже Анатолий Викторович школышто завхозлан ышта.

Ӱдыр школ пагытыштак чолга кушкын: мурен, куштен, тӱрлӧ конкурсышто мастарлыкшым ончыктен, слёт ден форумлаш коштын. Кугурак класслаште тунеммыж годым тунемше-влакын ушемыштым вуйлатен. Нуно тӱрлӧ мероприятийым эртареныт, изирак класслашке полшаш коштыныт.

Дина 2020 ийыште МарГУ-со Калыкле тӱвыра да тӱвыра кокласе кыл институтыш тунемаш пурен.

Умбакыже 19 февральыште лекше газетыште  лудын кертыда. Тыгак сайтысе кевытыште налаш йӧн уло. 

Йӧратыме предмет: обществознаний.

Эн тутло кочкыш: шылан пареҥге немырым йӧратем.

Эн куштылго экзамен: 11-ше классыште математике дене ЕГЭ-м кучаш куштылго ыле.

Эн неле экзамен: историй предмет. Шуко событийым да датым шарныман.

Йӧратыме книга да пагалыме автор: Александр Беляевын «Человек-амфибия» книгажым ик гана веле огыл лудынам.

Ӱдырын альбомжо гыч налме фото.