Марий кугыжаныш университет тунемаш пурышо-влак дене кылым ышташ лектын коштмо пашажым тӱҥалеш. Йошкар-Ола деч ӧрдыжыштӧ илыше абитуриент-влак деке университетысе пашаеҥ-влак шке миен шуыт.
Вашлиймаш-влак эртаралтыт:
- 4 июльышто 10:00-15:00 шагатлан — Козьмодемьянск лицейыште,
- 5 июльышто 10:00-15:00 шагатлан — Марий Турек кыдалаш школышто,
- 6 июльышто 10:00-15:00 шагатлан — Чувашт республикыште Чебоксар олаште ончыктымо адрес почеш: Ярославский урем, 25-шо пӧрт, 1 офис.,
- 7 июльышто 10:00-15:00 шагатлан — Киров область, Яранск оласе Посна предметым келгын тунемме кыдалаш школышто, (Средняя школа с углубленным изучением отдельных предметов №3 г. Яранска)
- 7 июльышто 10:00-15:00 шагатлан — Провой кундемысе Звенигово лицейыште,
- 11 июльышто 10:00-15:00 шагатлан — Юлсер кундемысе 4-ше №-ан Волжск кыдалаш школышто.
Вашлиймаш годым приёмный коммисийын пашаеҥышт, факультет ден институт-влакын преподавательышт дене мутланаш, нунын деч йодышлан вашмутым налаш лиеш.
Тыгак Марий кугыжаныш университетыш пураш йодмашым пуаш сай йӧн уло. Тидлан икмыняр документ кӱлеш:
— паспорт (лӱмым да регистрацийым ончыктышо лаштыкын копийышт),
— шинчымаш нерген документ (аттестатын да дипломын копийышт),
— СНИЛС,
— тунемаш пурышын 3x4 кугытан кок фотографийже,
— льгот дене тунеммашым пеҥгыдемдыше документ (усталык дене ойыртемалтше улмым ончыктышо кагаз / результаты индивидуальных достижений/, посна квот дене тунемаш пураш документ) (уло гын).
Документ-влакым тыгак https://apply.marsu.ru/ Личный кабинет але Госуслуги гоч пуаш лиеш. Лекше йодыш-влакым телефон номер (8362)641-541 дене йыҥгыртен рашемдыман.
Приёмный комиссий шочмо-кугарнян 8:00 — 17:00, шуматкечын 9:00 — 13:00 шагат гутлаште Ленин площадь, 1-ше пӧрт адрес дене пашам ышта.