Шорыкйол ден Рошто годым самырык-влак ожнат да кызытат мужедыт. Но тидым эре ышташ огеш лий.
Мужедаш йӧнан кече-влак:
- 2026 ий 1 январь – рунышто але кофе кучаште келшен толеш;
- 2 январь – мужедме шотышто виян кече;
- 4 январь – тул дене кылдалтше йӧным кучылтын, йӧратымаш ден вашкыл шотышто мужедаш келшен толеш;
- 7 январь – паша шотышто мужедаш шотлан толеш;
- 8 январь – сеҥымашыш шуаш мужедса;
- 9 январь – Таро карт дене мужедаш келша;
- 15 январь – хрусталь шар але рунышто мужедаш сай кече;
- 16 да 19 январь – ончыкылыклан мужедаш лиеш.
Моло кечын лучо мужедаш огыл.
Карт дене
У ий йӱдым але мужедме кечылаште у картын колодыж гыч ныл корольым ойырен налза да кӱпчык йымакыда пыштыза. Эрдене иктыжым шӱдырен лукса. Пиковый король гын, пелашда ушкалыше лиеш, трефовый – пашаче да ӱшанле, бубновый – поян да шонен моштышо, червовый – мотор, но ӱшанле огыл.
Лӱм да сорта дене
Мужедаш ате дене вӱд, сорта да грецкий пӱкш шӱм але пластик атын петыртышыже кӱлыт. Кагазыш качымарий-влакын (але ӱдыр-влакын) лӱмыштым возыза да тудым вӱдым пыштыме ате йыр пижыктыза. Пӱкш шӱмыш изирак сортам келыштарыза, тудым чӱктен, вӱд ате покшеке вераҥдыза. Могай кагаз йӱлаш тӱҥалеш – тыгай лӱман ончыкылык пелашда лиеш.
«Кораблик-влак»
Тиде лӱм да сорта дене мужедме семынак. Лачак кагазыш илыш ситуацийым але шонымашым возыман. Могайышке тул пижеш, тудо шукталтеш.
Кож укш дене
Тидлан кож укш-влакым ямдылыза: свежам, кошкышым, шуко укшераныимда йоген пытыше иманым. Курант-влакын перымышт деч вара иктажшым петырыме шинча дене лукса. Свежа укш логалеш гын, пелашда мотор да самырык лиеш, кукшо гын, шоҥго, укшеран гын, весе деке ушкалыше, а йоген пытыше иман гын, сынже дене сӧрал огыл.
«Юзо мешак»
Тидлан мешакыш тӱрлӧ арверым оптат: сравочым, йоча вургемым, кампеткым, модышым, пӱкшым, книгамда молымат. Кажныжын значенийжым палемдат. Вара уна-шамыч черет почеш мешак гыч арвер-влакым луктедат. Тидыжым утларакшым модыш сынан мужедмашлан шотлат, юзо жапыште шуктымо гын, чынат лийын кертеш.