Ты шочмын Свердловск областьысе Кушва олаште пӧрдшымардеж пӧртла гыч леведышым налын кышкен, южо зданий деч пырдыж гына кодын.
Автомашиналам шалатен, пушеҥге-влакым йӧрыктен, тыгак электротул линийлам кӱрыштын. МЧС-ын данныйже почеш, 16 еҥ азапыш логалын, 99 пӧртлан эҥгек лийын, тышеч 32-шо йӧршеш пытен. 6-шо номеран школын зданийже локтылалтмылан кӧра тунемше-влак вес школышто экзаменым кучат. Тыгак икмыняр йочасадым олмыктыман.