«Марий Элын Геройжо-влак» кадрым ямдылыше программыште участвоватлаш 92 еҥ йодмашым пуэн.
Марий Эл гыч Ачамландым аралыше-влакын тиде регионысо инициативылан кумылан улмышт, шочмо кундемым да элым вияҥдаш шке моштымашыштым, погымо опытыштым кучылташ ямде улмышт куандара.
Ушештарыман: герои-марий-эл.рф сайтыште 18 апрель марте регистрацийым эрташ лиеш. Программыш ушнышо-влаклан чыла этапыштат опытан наставник-влак полшаш тӱҥалыт.